fbpx

Што такое псыхаактыўныя рэчывы (ПАР) і як яны дзейнічаюць? На вялікі жаль, часта людзі абагульняюць ўсе кантраляваныя законам рэчывы ў адзін кляс, які завецца «наркотыкамі». Так узьнікаюць мемы кшталту «абколесься сваёй марыхуанай» ці забабоны пра тое, што алькаголь меньш шкодны за ЛСД. Але фактычна, «наркотыкамі» у бытавым разуменьні гэтага слова рэчывы робіць толькі тое, што дзяржава ўнесла іх у адпаведны сьпіс кантраляваных рэчываў і забараніла іх свабодны абарот.

Падчас мерапрыемства удзельнікі даведаюцца пра самыя папулярныя ў Беларусі псыхаактыўныя рэчывы, якія зьмяняюць стан сьвядомасьці: іх гісторыю ўзьнікненьня, псыхафізыялягічныя эфекты, магчымыя нэгатыўныя наступствы іх спажываньня, а таксама практыкі зьмяншэньня шкоды, якія дазволяць мінімізаваць пабочныя эфекты і выратаваць жыцьцё чалавека ў выпадку перадазіроўкі ці «бэд-трыпа».

Адукацыйная лекцыя накіраваная выключна на тое, каб зьменшыць індывідуальную шкоду пры спажываньні ПАР. Legalize Belarus не заахвочваюць спажываньне тых ці іншых рэчываў.

Мерапрыемства пройдзе ў нядзелю 17 лютага ў Гомелі па адрасе: вул. Палеская 52. Пачатак а 18:00. Уваход бясплатны па папярэдняй рэгістрацыі: https://goo.gl/forms/A1HQGTqPI01mNgRb2

Мерапрыемства ў Facebook: https://www.facebook.com/events/284686428872178/
Мерапрыемства ў VK: https://vk.com/legalizehomiel