Эўрарадыё: На блакіроўцы сайта Legalize Belarus настаяла міліцыя
17 мая ў Беларусі абмежаваны доступ да сайта грамадскай кампаніі Legalize Belarus, актывісты якой дамагаюцца дэкрыміналізацыі наркатычнага заканадаўства. Як паведамілі Еўрарадыё ў Міністэрстве інфармацыі, на блакаванні настаяла МУС.
— [Сайт заблакаваны] на падставе апавяшчэння з Міністэрства ўнутраных справаў.
Еўрарадыё: А за якія канкрэтна парушэнні?
— За прапаганду ўжывання наркатычных сродкаў.
Кампанія Legalize Belarus ставіць сваёй мэтай «шляхам адукацыі і асветы прасоўваць навуковую інфармацыю і спрыяць адказнаму стаўленню грамадзтва да псыхаактыўных рэчываў, якія кантралююцца дзяржавай, а таксама да іх спажыўцоў». Таксама актывісты кампаніі дамагаюцца дыферэнцыяцыі пакаранняў за парушэнні закона, звязаныя з абаротам кантраляваных рэчываў у Беларусі, і адмены крымінальнага пераследу за захоўванне псіхаактыўных рэчываў у малых колькасцях.
Цікава, што мэты актывістаў Legalize Belarus ў некаторай ступені супадаюць з пазіцыяй Аляксандра Лукашэнкі. 22 траўня, прымаючы з дакладам міністра ўнутраных спраў Ігара Шуневіча, кіраўнік дзяржавы патрабуе «строга дыферэнцыяваць» адказнасць спажыўцоў і пастаўшчыкоў наркотыкаў за здзейсненыя імі злачынствы. Але не блакаваць жа цяпер з-за гэтага сайт president.gov.by?
Можно, если осторожно
Вступай в наш клуб за гуманную наркополитику. Твои данные не будут переданы третьим лицам.