Мінінфармацыі паказала, за што заблякавала наш сайт
Актывісты грамадзкай кампаніі Legalize Belarus атрымалі з Міністэрства інфармацыі скрыншоты матэрыялаў вэбсайту legalize.by, якія паслужылі падставай для блякаваньня рэсурсу за «прапаганду спажываньня марыхуаны».
- Тэкст адказу з Міністэрства інфармацыі ад 28.06.2018: https://drive.google.com/open?id=0B1fP_EyfZ_kdY21ua1FGSnVQM244TzFGLXBWY1RhV1hGWWhZ
- Дадатак 1 (скрыншоты): https://drive.google.com/open?id=1TluBzQJ1Kn1uBe05TZiPwYdBtXJtj7zl
На скрыншотах — 10 здымкаў з сайту кампаніі, большасьць зь якіх зробленая падчас мерапрыемстваў і акцыяў, што ладзілі актывісты.
- Скрыншот 1. Агульны фотаздымак удзельнікаў сустрэчы з Legalize Belarus у Гародні.
- Скрыншот 2. Фотаздымак з стыкерамі кампаніі і паштоўкамі, якія дасылаліся асуджаным па артыкуле 328 падчас «Талакі салідарнасьці» у Менску.
- Скрыншот 3. Фотаздымак Пятра Маркелава, зроблены для фотапраекту Legalize Belarus «Спыніць вайну з наркотыкамі!».
- Скрыншот 4. Фотаздымак удзельнікаў сустрэчы з Legalize Belarus у Віцебску.
- Скрыншоты 5 і 6. Фотаздымкі «Радыё Свабода» з пікету за дэкрыміналізацыю марыхуаны.
- Скрыншот 7. Фотаздымак з «Канаплянай каляды» у Менску.
- Скрыншот 8. Фотаздымак Пятра Маркелава, зроблены падчас суду за арганізацыю «Канаплянай каляды».
- Скрыншот 9. Скрыншот вокладкі відэа «Несанкцыянаваныя каляды» ад «Белсату».
- Скрыншот 10. Фотаздымак удзельнікаў сустрэчы з Legalize Belarus у Берасьці.
Актывісты кампаніі ўпэўненыя, што гэтыя здымкі нельга лічыць «прапагандай спажываньня марыхуаны і зьбіраюцца падаваць у суд на Міністэрства інфармацыі.
«Гэтыя здымкі нэўтральна адлюстроўваюць нашую дзейнасьць. Ніякіх дадатковых камэнтароў ад Міністэрства інфармацыі пра тое, якім чынам гэтыя фота прапагандуюць спажываньне марыхуаны, мы не атрымлівалі. Наяўнасьць у кадры выявы ліста канопляў ці лягатыпу нашай кампаніі ня можа лічыцца прапагандай. Нашая мэта — дэкрыміналізацыя, мы не заахвочваем ужываць марыхуану» — кажа Стас Шашок, юрыст Legalize Belarus.
Вэбсайт асьветніцка-адвакацыйнай кампаніі Legalize Belarus legalize.by заблякаваны 17 траўня 2018 рашэньнем Міністэрства інфармацыі на падставе апавяшчэньня з Міністэрства ўнутраных справаў. Разам зь ім аказаліся недаступнымі каля 300 вэбсайтаў, што знаходзяцца на сэрвэры з IP-адрасам 139.162.166.31.
Можно, если осторожно
Вступай в наш клуб за гуманную наркополитику. Твои данные не будут переданы третьим лицам.