Пётр Маркелаў расказаў пра ролю Каардынацыйнай Рады ў будучым Беларусі
Па ініцыятыве Святланы Ціханоўскай 23 і 24 сакавіка ў Празе адбылася Канферэнцыя беларусаў і беларусак свету. Пётр Маркелаў з Legalize Belarus наведаў мерапрыемства і падзяліўся думкамі пра работу i магчымасцi Каардынацыйнай рады.
Канферэнцыю беларусаў і беларусак свету ладзілі Офіс Святланы Ціханоўскай, Аб’яднаны Пераходны Кабінет, Офіс дэмакратычнай Беларусі ў Чэхіі і Народныя амбасады. Гэта ўжо трэцяя сустрэча суполак і арганізацый беларусаў замежжа. Асноўныя тэмы Канферэнцыі – узмацненне патэнцыялу беларускай супольнасці за мяжой і наладжванне сталай працы па найбольш актуальных напрамках.
Пётр Маркелаў далучыўся да мерапрыемства і адзначыў, што яго хвалюе роля Каардынацыйнай рады: «Зараз людзі не вельмі разумеюць, навошта Каардынацыйная рада патрэбная, якія ў яе павінны быць функцыi. Я лічу, што перад выбарамі, якія шмат разоў пераносілі і зараз зноў пераносяць, трэба рассказаць людзям пра важнасць Каардынацыйнай рады і таксама падрыхтаваць палітычныя кампаніі: сабраць групы, спісы, сфарміраваць ідэалогію».
«Каардынацыйная рада — вельмі важны дэмакратычны і калегіяльны орган у доўгатэрміновай перспектыве, члены якога сапраўды абіраюцца беларусамі, таму трэба надаваць яму больш вагі. Мне прыкра, што шмат беларусаў не ведаюць, навошта ён існуе і навошта ў ім удзельнічаць, хаця фактычна гэта павінен быць галоўны орган, які прымае рашэнні пра стратэгію Беларускага нацыянальнага вольнага руху», — гаворыць Пётр.
Можно, если осторожно
Вступай в наш клуб за гуманную наркополитику. Твои данные не будут переданы третьим лицам.
Если не указано иное, текст этого материала лицензирован в соответствии с международной лицензией Creative Commons Attribution 4.0.