Як беларуская моладзь ставіцца да канопляў?
Legalize Belarus правялі анляйн-апытанку моладзі пра стаўленьне да канопляў. У студэнцкіх суполках у сацыяльных сетках мы пазначалі, што пішам курсавую працу і прасілі па дапамогу. Тэкставага ці візуальнага ўказаньня на Legalize Belarus не было. Для ўдзелу ў апытаньні прапаноўвалася запоўніць адмысловую форму: https://goo.gl/forms/sSELfF0eZjkVXx483.
![Як беларуская моладзь ставіцца да канопляў? Як беларуская моладзь ставіцца да канопляў?](https://legalizebelarus.org/wp-content/uploads/2018/06/Marijuana_14_20170929_-1-768x511.jpg)
Такім чынам мы атрымалі 1304 рэспандэнтаў. Сярод іх 938 (72%) мужчынаў і 361 (28%) жанчына.
![Разьмеркаваньне рэспандэнтаў па гендары](https://legalizebelarus.org/wp-content/uploads/2018/06/1.png)
Мы разьбілі ўдзельнікаў апытанкі на 6 узроставых групаў:
172 (13%) чалавек, якім 18 ці меней гадоў
276 (21%) чалавек, якім ад 19 да 22 гадоў
248 (19%) чалавек, якім ад 23 да 26 гадоў
278 (21%) чалавек, якім ад 27 да 30 гадоў
159 (12%) чалавек, якім ад 31 да 34 гадоў
171 (13%) чалавек, якім 35 ці больш гадоў
![Разьмеркаваньне рэспандэнтаў па ўзросьце](https://legalizebelarus.org/wp-content/uploads/2018/06/2.png)
Сярод тых, хто прайшоў апытанку:
27 (2%) маюць базавую адукацыю
104 (8%) маюць сярэднюю адукацыю
183 (14%) маюць сярэдне-спэцыяльную адукацыю
335 (26%) маюць няскончаную вышэйшую адукацыю
638 (49%) маюць вышэйшую адукацыю
![Разьмеркаваньне рэспандэнтаў па адукацыі](https://legalizebelarus.org/wp-content/uploads/2018/06/3.png)
На пытаньне пра валоданьне мовамі мы атрымалі наступнае разьмеркаваньне:
346 (27%) валодаюць толькі расейскай ці беларускай мовамі
704 (54%) валодаюць адной замежнай мовай
254 (19%) валодаюць дзьвума ці болей замежнымі мовамі
Магчыма, з-за таго, што пытаньне было пастаўленае недастаткова канкрэтна, частка рэспандэнтаў, якія валодаюць расейскай і беларускай мовамі, абіралі варыянт «валодаю адной замежнай мовай», а тыя, хто ў дадатак валодаў ангельскай ці іншай мовай, абіралі «валодаю дзьвума ці болей замежнымі мовамі».
![Разьмеркаваньне рэспандэнтаў па валоданьні мовамі](https://legalizebelarus.org/wp-content/uploads/2018/06/4.png)
Сярод тых, хто прайшоў апытанку:
62 (5%) жывуць у вёсцы ці невялікім мястэчку
330 (25%) жывуць у горадзе, але не абласным цэнтры
282 (22%) жывуць у абласным цэнры, але ня ў Менску
617 (47%) жывуць у Менску
![Разьмеркаваньне рэспандэнтаў па месцы жыхарства](https://legalizebelarus.org/wp-content/uploads/2018/06/5.png)
Зьмястоўная частка апытанкі была падзеленая на два блёкі. Першы блёк — стаўленьне да канопляў. У гэтым блёку мы пыталі пра досьвед ужываньня канопляў, пра стаўленьне да спажыўцоў і гандляроў каноплямі, пра параўнальную шкоду канопляў, пра верагоднасьць пераходу да ўжываньня «больш цяжкіх наркатычных сродкаў» пасьля ўжываньня канопляў і пра карысьць для грамадзтва ад легалізацыі канопляў.
692 чалавекі (53% рэспандэнтаў) пазначылі, што яны калі-небудзь палілі каноплі. Зь іх 511 ацанілі досьвед як хутчэй станоўчы, 142 — як хутчэй адмоўны і 37 не змаглі адказаць.
![Разьмеркаваньне досьведу спажываньня канопляў](https://legalizebelarus.org/wp-content/uploads/2018/06/6.png)
Сярод мужчынаў каноплі калі-небудзь палілі 558 чалавек, сярод жанчынаў — 132 чалавекі.
![Разьмеркаваньне тых, хто калі-небудзь паліў каноплі, па гендары](https://legalizebelarus.org/wp-content/uploads/2018/06/7.png)
Мужчыны і жанчыны ацанілі досьвед паленьня канопляў прыкладна аднолькава.
![Разьмеркаваньне досьведу паленьня канопляў па гендары](https://legalizebelarus.org/wp-content/uploads/2018/06/8.png)
Рэспандэнты ва ўзросьце 27-34 гадоў, што адпавядае народжаным паміж 1984 і 1991 гадамі, маюць больш досьведу ўжываньня канопляў, у параўнаньні зь іншымі ўзроставымі групамі.
![Разьмеркаваньне тых, хто паліў каноплі, па ўзросьце](https://legalizebelarus.org/wp-content/uploads/2018/06/9.png)
Больш досьведу паленьня канопляў маюць рэспандэнты з сярэдне-спэцыяльнай ці вышэйшай адукацыяй.
![Разьмеркаваньне тых, хто паліў каноплі, па адукацыі](https://legalizebelarus.org/wp-content/uploads/2018/06/10.png)
Рэспандэнты, якія валодаюць большай колькасьцю моваў, паведамілі пра большы досьвед ужываньня канопляў.
![Разьмеркаваньне тых, хто паліў каноплі, па валоданьні мовамі](https://legalizebelarus.org/wp-content/uploads/2018/06/11.png)
Рэспандэнты, якія жывуць у буйных населеных пунктах, маюць большы досьвед ужываньня канопляў.
![Разьмеркаваньне тых, хто паліў каноплі, па месцы жыхарства](https://legalizebelarus.org/wp-content/uploads/2018/06/12.png)
На пытаньне «ці трэба лекаваць тых, хто паліць каноплі?», 373 рэспандэнты адказалі, што трэба лекаваць добраахвотна, 70 — што трэба лекаваць прымусова і 806 што ня трэба лекаваць.
![Ці трэба лекаваць тых, хто паліць каноплі?](https://legalizebelarus.org/wp-content/uploads/2018/06/13-1.png)
Разьмеркаваньне па гендары паказвае, што жанчыны ў большай ступені чым мужчыны ўпэўненыя, што тых, хто паліць каноплі трэба лекаваць.
![Ці трэба лекаваць тых, хто паліць каноплі? Разьмеркаваньне па гендары](https://legalizebelarus.org/wp-content/uploads/2018/06/14.png)
Непоўнагадовыя найбольш схіляюцца да таго, што трэба лекаваць курцоў канопляў. Найменш — рэспандэнты ва ўзросьце 31-34 год (1984-1987 гады нараджэньня).
![Ці трэба лекаваць тых, хто паліць каноплі? Разьмеркаваньне па ўзросьце](https://legalizebelarus.org/wp-content/uploads/2018/06/15.png)
Рэспандэнты, якія маюць базавую адукацыю больш за іншых упэўненыя, што тых, хто паліць каноплі трэба лекаваць. Людзі 1984-1987 гадоў нараджэньня — наадварот.
![Ці трэба лекаваць тых, хто паліць каноплі? Разьмеркаваньне па адукацыі](https://legalizebelarus.org/wp-content/uploads/2018/06/16.png)
На пытаньне «ці трэба караць тых, хто паліць каноплі?», толькі 13% рэспандэнтаў адказалі, што трэба.
![Ці трэба караць тых, хто паліць каноплі?](https://legalizebelarus.org/wp-content/uploads/2018/06/17.png)
У тры разы больш жанчынаў чым мужчынаў лічаць, што за паленьне канопляў трэба караць.
![Ці трэба караць тых, хто паліць каноплі? Разьмеркаваньне тых, хто адказаў «так», па гендары](https://legalizebelarus.org/wp-content/uploads/2018/06/18.png)
Ізноў рэспандэнты, што нарадзіліся ў 1984-1987 гадах аказваюцца найбольш ляяльнымі да спажыўцоў канопляў.
![Ці трэба караць тых, хто паліць каноплі? Разьмеркаваньне тых, хто адказаў «так», па ўзросьце](https://legalizebelarus.org/wp-content/uploads/2018/06/19.png)
Больш за ўсё тых, хто лічыць, што курцоў канопляў трэба караць, апынулася сярод тых, хто мае сярэднюю адукацыю.
![Ці трэба караць тых, хто паліць каноплі? Разьмеркаваньне тых, хто адказаў «так», па адукацыі](https://legalizebelarus.org/wp-content/uploads/2018/06/20.png)
Большасьць з тых, хто лічыць што спажыўцоў канопляў трэба караць, лічаць, што прафіляктычнай размовы ці штрафу будзе дастаткова.
![Калі караць спажыўцоў канопляў, то як?](https://legalizebelarus.org/wp-content/uploads/2018/06/21.png)
На пытаньне «ці трэба караць тых, хто прадае каноплі» ужо 42% рэспандэнтаў адказалі, што трэба.
![Ці трэба караць тых, хто прадае каноплі?](https://legalizebelarus.org/wp-content/uploads/2018/06/22.png)
Жанчыны ізноў паказваюць схільнасьць да «карнага» падыходу.
![Ці трэба караць тых, хто прадае каноплі? Разьмеркаваньне тых, хто адказаў «так», па гендары](https://legalizebelarus.org/wp-content/uploads/2018/06/23.png)
Самай ляяльнай у пытаньні стаўленьня да прадаўцоў канопляў апынулася ўзроставая група 19-22 гадоў.
![Ці трэба караць тых, хто прадае каноплі? Разьмеркаваньне тых, хто адказаў «так», па ўзросьце](https://legalizebelarus.org/wp-content/uploads/2018/06/24.png)
На пытаньне «калі караць тых, хто прадае каноплі, то як?» мы атрымалі наступныя адказы.
![Калі караць тых, хто прадае каноплі, то як?](https://legalizebelarus.org/wp-content/uploads/2018/06/25.png)
Большасьць рэспандэнтаў лічыць, што алькаголь больш шкодны для псыхічнага і фізычнага здароўя за каноплі.
![Што больш шкодна для псыхічнага і фізычнага здароўя: каноплі ці алькаголь?](https://legalizebelarus.org/wp-content/uploads/2018/06/26.png)
Пры гэтым аказваецца, што жанчыны меней інфармаваныя пра параўнальную шкоду гэтых рэчываў.
![Што больш шкодна для псыхічнага і фізычнага здароўя: каноплі ці алькаголь? Разьмеркаваньне па гендары](https://legalizebelarus.org/wp-content/uploads/2018/06/27.png)
Рэспандэнты ва ўзросьце ад 19 да 26 гадоў больш за іншыя ўзроставыя групы ўпэўненыя ў параўнальнай шкодзе алькаголю.
![](https://legalizebelarus.org/wp-content/uploads/2018/06/28.png)
На пытаньне «ці можа паленьне канопляў прывесьці да сьмерці?» мы атрымалі наступнае разьмеркаваньне адказаў.
![Ці можа паленьне канопляў прывесьці да сьмерці?](https://legalizebelarus.org/wp-content/uploads/2018/06/29.png)
У чарговы раз мы бачым, што жанчыны больш за мужчынаў схільныя перабольшваць шкоду ад паленьня канопляў.
![Ці можа паленьне канопляў прывесьці да сьмерці? Разьмеркаваньне па гендары](https://legalizebelarus.org/wp-content/uploads/2018/06/30.png)
Група рэспандэнтаў ва ўзросьце ад 31 да 34 больш за іншыя ўпэўненыя ў тым, што паленьне канопляў ня можа прывесьці да сьмерці.
![Ці можа паленьне канопляў прывесьці да сьмерці? Разьмеркаваньне па ўзросьце](https://legalizebelarus.org/wp-content/uploads/2018/06/31.png)
Амаль 40% рэспандэнтаў адказалі, што паленьне канопляў можа прывесьці да ўжываньня «больш цяжкіх наркатычных сродкаў».
![Ці можа паленьне канопляў прывесьці да ўжываньня больш цяжкіх наркатычных сродкаў?](https://legalizebelarus.org/wp-content/uploads/2018/06/32.png)
Разьмеркаваньне па гендары паказвае, што жанчыны больш за мужчынаў схільныя падзяляць гэты стэрэатып.
![Ці можа паленьне канопляў прывесьці да ўжываньня больш цяжкіх наркатычных сродкаў? Разьмеркаваньне па гендары](https://legalizebelarus.org/wp-content/uploads/2018/06/33.png)
Мы бачым, што з ўзростам рэспандэнты ўсё меней вераць у гэтае памылковае сьцьверджаньне.
![Ці можа паленьне канопляў прывесьці да ўжываньня больш цяжкіх наркатычных сродкаў? Разьмеркаваньне па ўзросьце](https://legalizebelarus.org/wp-content/uploads/2018/06/34.png)
71% рэспандэнтаў лічаць, што грамадзтва можа атрымаць карысьць ад легалізацыі канопляў.
![Ці можа грамадзтва атрымаць карысьць ад легалізацыі канопляў?](https://legalizebelarus.org/wp-content/uploads/2018/06/35.png)
Пры гэтым жанчыны ў гэта вераць меней, чым мужчыны.
![Ці можа грамадзтва атрымаць карысьць ад легалізацыі канопляў? Размеркаваньне па гендары](https://legalizebelarus.org/wp-content/uploads/2018/06/36.png)
Рэспандэнты ва ўзросьце 27-34 больш за іншыя схільныя верыць у карысьць легалізацыі канопляў для грамадзтва.
![Ці можа грамадзтва атрымаць карысьць ад легалізацыі канопляў? Размеркаваньне па ўзросьце](https://legalizebelarus.org/wp-content/uploads/2018/06/37.png)
У другім блёку пытаньня мы пыталі пра стаўленьне да дзяржаўнай палітыкі ў дачыненьні да рэгуляваньня канопляў. Пытаньні тычыліся дзейнага заканадаўства і варыянтаў дзяржаўнай рэгуляцыі канопляў.
61% рэспандэнтаў лічаць, што заканадаўства ў Беларусі, якое рэгулюе зварот псыхаактыўных рэчываў занадта жорсткае.
![Заканадаўства ў Беларусі, якое рэгулюе зварот псыхаактыўных рэчываў...](https://legalizebelarus.org/wp-content/uploads/2018/06/38.png)
Жанчыны паказалі большую за мужчынаў жорсткасьць у гэтым пытаньні, а таксама больш зь іх, 18% ад агульнай колькасьці жанчынаў, абралі варыянт адказу «ня ведаю».
![Стаўленьне да заканадаўства, што рэгулюе зварот псыхаактыўных рэчываў. Разьмеркаваньне па гендары](https://legalizebelarus.org/wp-content/uploads/2018/06/39.png)
Сярод рэспандэнтаў ва ўзроставай групе 31-34 гадоў апынулася больш за ўсё тых, хто лічыць дзейную палітыку занадта жорсткай.
![Стаўленьне да заканадаўства, што рэгулюе зварот псыхаактыўных рэчываў. Разьмеркаваньне па ўзросьце](https://legalizebelarus.org/wp-content/uploads/2018/06/40.png)
80% рэспандэнтаў лічаць, што павінна існаваць разьмежаваньне адказнасьці ў залежнасьці ад колькасьці знойдзенага рэчыва.
![Ці павінна існаваць разьмежаваньне адказнасьці ў залежнасьці ад колькасьці знойдзенага рэчыва?](https://legalizebelarus.org/wp-content/uploads/2018/06/41.png)
Па гэтым пытаньні адказы мужчынаў і жанчынаў разыходзяцца ў меньшай ступені.
![Ці павінна існаваць разьмежаваньне адказнасьці ў залежнасьці ад колькасьці знойдзенага рэчыва? Разьмеркаваньне па гендары](https://legalizebelarus.org/wp-content/uploads/2018/06/42.png)
З узростам колькасьць тых, хто падтрымлівае разьмежаваньне адказнасьці, у сярэднім, павялічваецца.
![Ці павінна існаваць разьмежаваньне адказнасьці ў залежнасьці ад колькасьці знойдзенага рэчыва? Разьмеркаваньне па ўзросьце](https://legalizebelarus.org/wp-content/uploads/2018/06/43.png)
74% рэспандэнтаў падтрымліваюць дэкрыміналізацыю захоўваньня малой колькасьці канопляў.
![Ці падтрымліваеце вы дэкрыміналізацыю захоўваньня малой колькасьці канопляў?](https://legalizebelarus.org/wp-content/uploads/2018/06/44.png)
Дэкрыміналізацыю канопляў жанчыны падтрымліваюць на траціну меней за мужчынаў.
![Ці падтрымліваеце вы дэкрыміналізацыю захоўваньня малой колькасьці канопляў? Разьмеркаваньне па гендары](https://legalizebelarus.org/wp-content/uploads/2018/06/45.png)
Найбольшыя прыхільнікі дэкрыміналізацыі — рэспандэнты ва ўзросьце ад 27 да 34 год.
![Ці падтрымліваеце вы дэкрыміналізацыю захоўваньня малой колькасьці канопляў? Разьмеркаваньне па ўзросьце](https://legalizebelarus.org/wp-content/uploads/2018/06/46.png)
82% рэспандэнтаў лічаць, што ў Беларусь трэба дазволіць мэдыцынскае выкарыстаньне канопляў.
![Ці трэба дазволіць у Беларусі мэдыцынскае выкарыстаньне канопляў?](https://legalizebelarus.org/wp-content/uploads/2018/06/47.png)
Мужчыны больш за жанчынаў выступаюць за дазвол на мэдыцынскія каноплі.
![Ці трэба дазволіць у Беларусі мэдыцынскае выкарыстаньне канопляў? Разьмеркаваньне па гендары](https://legalizebelarus.org/wp-content/uploads/2018/06/48.png)
Непоўнагадовыя паказалі найменшую падтрымку дазволу на мэдыцынскае выкарыстаньне канопляў.
![Ці трэба дазволіць у Беларусі мэдыцынскае выкарыстаньне канопляў? Разьмеркаваньне па ўзросьце](https://legalizebelarus.org/wp-content/uploads/2018/06/49.png)
На пытаньне «ці падтрымліваеце вы поўную легалізацыю паленьня канопляў для поўнагадовых грамадзянаў?» мы атрымалі наступнае разьмеркаваньне адказаў.
![Ці падтрымліваеце вы поўную легалізацыю паленьня канопляў для поўнагадовых грамадзянаў?](https://legalizebelarus.org/wp-content/uploads/2018/06/50.png)
Мужчыны падтрымліваюць «поўную легалізацыю паленьня канопляў» больш за жанчынаў.
![](https://legalizebelarus.org/wp-content/uploads/2018/06/51.png)
Найбольш ляяльнай да легалізацыі канопляў вызначылася ўзроставая група 27-34 гадоў.
![Ці падтрымліваеце вы поўную легалізацыю паленьня канопляў для поўнагадовых грамадзянаў? Разьмеркаваньне па ўзросьце](https://legalizebelarus.org/wp-content/uploads/2018/06/52.png)
Рэспандэнты, якія маюць сярэдне-спэцыяльную адукацыю падтрымліваюць легалізацыю канопляў больш за іншыя групы па адукацыі.
![Ці падтрымліваеце вы поўную легалізацыю паленьня канопляў для поўнагадовых грамадзянаў? Разьмеркаваньне па адукацыі](https://legalizebelarus.org/wp-content/uploads/2018/06/53.png)
Тыя, хто валодаюць большай колькасьцю моваў больш ляяльна ставяцца да легалізацыі канопляў.
![Ці падтрымліваеце вы поўную легалізацыю паленьня канопляў для поўнагадовых грамадзянаў? Разьмеркаваньне па валоданьні мовамі](https://legalizebelarus.org/wp-content/uploads/2018/06/54.png)
Чым большы населены пункт, у якім жыве рэспандэнт, тым больш ён падтрымлівае легалізацыю.
![Ці падтрымліваеце вы поўную легалізацыю паленьня канопляў для поўнагадовых грамадзянаў? Разьмеркаваньне па месцы жыхарства](https://legalizebelarus.org/wp-content/uploads/2018/06/55.png)
Сярод тых, хто меў досьвед паленьня канопляў, узровень незадаволенасьці дзейным заканадаўствам вышэйшы.
![Разьмеркаваньне тых, хто не задаволены дзейным заканадаўствам па крытэру досьведу паленьня канопляў](https://legalizebelarus.org/wp-content/uploads/2018/06/56.png)
З апытанкі можна зрабіць наступныя высновы:
- Жанчыны патрабуюць дадатковай адукацыі па пытаньнях псыхаактыўных рэчываў і залежнасьцяў. У пытаньнях стаўленьня да канопляў жанчыны выявіліся больш «жорсткімі» і аўтарытарнымі за мужчынаў. Па ўсіх пытаньнях сярод рэспандэнтак была большая колькасьць тых, хто падтрымлівае карны падыход да рэгуляваньня канопляў («вайну з наркотыкамі»), у параўнаньні з мужчынамі-рэспандэнтамі. Жанчыны таксама паказалі меньшую інфарамаванасьць па пытаньнях ужываньня канопляў і зьвязаных залежнасьцяў.
- Узроставыя групы 27-30 і, асабліва, 31-34 гадоў (народжаныя паміж 1984 і 1991 гадамі) выяўляюцца найменьш аўтарытарнымі і найбольш незадаволенымі дзейнай палітыкай дзяржавы ў дачыненьні да канопляў і зьвязаных залежнасьцяў.
- Непоўнагадовыя (падлеткі) патрабуюць дадатковай адукацыі па пытаньнях псыхаактыўных рэчываў і зьвязаных залежнасьцяў.
- Валоданьне мовамі карэлюе з ляяльнасьцю да канопляў.
- У параўнаньні з жыхарамі вялікіх гарадоў, жыхары меньшых неселеных пунктаў з’яўляюцца больш аўтырытарнымі і меньш інфармаванымі, і таму патрабуюць дадатковай адукацыі па пытаньнях псыхаактыўных рэчываў і залежнасьцяў.
Партрэт чалавека, які падтрымлівае Legalize Belarus: мужчына 27-34 гадоў, які жыве ў Менску, валодае замежнай мовай і наведваў установу сярэдне-спэцыяльнай ці вышэйшай адукацыі.
Партрэт чалавека, які не падтрымлівае Legalize Belarus: непаўнагадовая жанчына, якая жыве ў вёсцы і не валодае замежнымі мовамі.
![](/wp-content/themes/legalizebelarus/images/mushrooms.png)
Можно, если осторожно
Вступай в наш клуб за гуманную наркополитику. Твои данные не будут переданы третьим лицам.